اول محاولة ترقيم

وش عندكم داخلين متحمسين مستغربين صح وش اسوي

انتم مربطيني وانا حارم نفسي من الوناسه بالأشراف اللي مدري وش يبي

المهم بقول لكم السالفه ..

كنت انا وصاحبي عزوز رايحين لـ سوق طبعاً رايحين على الميتين آل حقته

الميتين آل = سياره فخمه من داخل جلد وفتحه بالسقف ومسجلها ترفسه

عشان يشتغل المهم وقفنا السياره بعدين مالقينا مواقف

<<< نصاب عشان مايشوفون سيارتنا

المهم قمنا نمشي في اسياب السوق وطبعنا نتدور الصيده مره يمين ومره يسار

المهم طالعت انا ذيك العبايه السوداء يوم قام قلبي يقول

شوي وامر بجنبها عاد معلمني دحيم كم كلمها اقولها عشان الأونثا تخق

طبعاً جيت بجنبها لهي معطيتني ظهرها

وقلت لها يمدي ياحلو

المهم ماعطتني وجه وهو قايل لي اذا ماعطتك وجه معناها تبيك ومستحيه

قلت لها للمره الثانيه : اذا تبين هزي راسك

المهم الأونثا هزت راسها

طبعاً انا هي هزت ولا لا (تقول ماصدقت خبر)

واجي وانطل بيجري (طبعاً على أيام البياجر)

ويناديني دحومي خير رح جب بيجرك ليه نطلته على الأونثا

قلت رقمتها قال كيف تدري انها دقت عليك قلت ايه صح

ورحت قلت لها لو سمحتي بيجري طاح عندكم شفتيه

قالت : خود يابابا بس مافيه انسا مره تاني

والتفت على دحيم لقيته منسدح ضحك

عشان تسذا انتبهوا من أول نظره وخذوا حذركم مو كل عبايه عبايه

ترى في عبايات تخفي بنايه يعني مو كل بنايه بنايه (لتخفيف الوزن أتصل على 994)

<<< اقول لا يكثر بس عطنا مايستفاد

مايستفاد من الكلام هذا :

*- لا تحاول تتميلح واجد .
*- الترقم مضر بالصحه فأنتبه أخي التمساح من الكعب والشنطه فهي تسبب
علامة فارقه في دفتر العائله فحرص على مستقبل زاهي .

<<<--- علامته في دفتر عائلته فلقه من سيدة أعمال (بساطه في سوق حجاب)

*- ترى الترقيم عن طريق البيجر موضه قديمه أذهب إلى أقرب محل اتصالات واطلب لك على حساب الموقع كنود واطلع خمسين يابطل .
*- على كل تمساح أخذ أحتياطاته من أوراق وأقلام واذا مامعك اكتب الرقم في يدك .
*- ليش ترقمون مو حرام عليكم صدق ماتستحون