الدنيا في عام 2007 ..... ولعب الزمن لعبته معنا .

**chahara** الثلاثاء نوفمبر 27, 2007 1:27 pm

عام 2007

مرت كل سنين العـــمر وهسه احنة بسبعة والفين

وخلصن ساعاتج يا روحي راحن جنهن رمشة عين

شنهو الحصلتيه بسنينـج كل عمرج بس تتعذبيـن

لمته الراحة انتي تشوفيهه والفرحة اشوكت تلوحين

ظلي اوية الهم طول ايامج ما عندج حظ شتريديــن

تردين سنينج ترجعلــج صعبة انتي هواي تحلمين

تردين الشيب يرد اسـود وحت لو رد هم تشيبيـن

تردين المحبوب يردلــج شيرجعة وراح امن سنين

ادموعج ما اظن ينفعـن كفي شمالج بس تبجيـن

ركظت بيج الدنية بسرعـة اكبرتي وما ردتي تكبرين

وراحت ضحكاتج ما ترجع هسه تعلمتي تونيـــن

وراح العمر بعيد او وله وساعاتج صارت بالديـن

ومرت كل سنين العمر وهسه احنة بسبعة والفين.