قصيده من القلب

اجمل صباح على اجمل عيون

كلمات من القلب



**********

يسالوني اعلى طبعي اشبيك ما بيك

واكول الطبع بيه اشكال واتعدد



واتصبر على اهل الباع واليشرون

أخاف الروح تزهك لحظة المنشد



انا الماضحك سني ولا رفعت العين

ولا مثل الزلم من تلجم ترتد



اسوم اعلى الوكت وانخاه بلكي ايهود

واطك مثل السعف بالريح من يشتد



شاوطني الخجل والمستحى امن الناس

ويتمني الكبر من زغري واتنهد



عاشرت الصبر حد ما تشوف العين

لكيت الصبر بيه اشماامد يمتد



زوره ونار كبره وحاف يردم حاف

واشباه الزلم بس ما علت تبعد



جارت والوكت كلما تلمه ايجور

لا رف الجفن لاجزر بيه المد



انا المابعت ناسي ولا جفيت الكاس

ولا مثل الخلك من تنجهب تسود



عاشرت الجرح بالا سنه وسنتين

وسكيته ابدمع عيني المانزل عالخد



لجن ذيج اللسن يابخت هاي الناس

تتباهى ابثكلهه العلوزن ما عد



واتعود ولا جن بيه طك الباش

وعلى سور الرزايا اكعد ولا اركد



واكابر لافرج عالبال لاهي اتهون

واون ونة الباز العل ارض يلكد



بعد المن اناشد واكشف المستور

والمن اشكي حال الماشكت لحد



تدريني احبك واعرف المابيك

واشلع باب كلبك كلي واتقصد



ياصافي الجدل مابيك ذرة عيب

والك حتى الكمر باليل يتودد



ياملح الخواطر والطيب بيك اشكال

إذا مر الهوى الوجناك يتوسد



اعز من روحي اعزك واليحب معذور

معذور ابحضرتك ليله يتعبد



يلهرشك جمر مشتول وسط الروح

تهب عالجدم ناره ابيوم من تشتد



دحل شعر الضفاير ياهوى المضنوك

مو عيب البياض ابشعرك اتغمد



يااعذب بشر من لحظة الميلاد

حتى الدمع بيك ايذوب من تحتد



ولك ريث حبيبي العمر ما بيه طول

كل عام اليمر مابيك يتورد*

مشكوورررر يا بطل

تحياتي