( وسفة عليك ) لانها لا تستحق الحزن الذي انا فيه بسببها

وسفة عليك

شجاك وكمت من تسحك على الدروب

تطـــــــــش الروح وي نكلات الجدام

شجاك يضيع صبرك وانته ايـــــوب

وانته ادرى بهذوله النـــــاس ظلام

اعوفنك احس ارويحتي تــــــــــذوب

ارد يمـــــــك اطكن طكة الجــــــام

عشرتي وياك مكلوب اعلة مكلوب

جسمي اهنانة يمك روحي بالشـــام

شجاك تكشف ازياكك بالغـــروب

وتحشم الناس تدعي اعلية صيام

وانته الضحكة طبعك والفرح ثوب

وانه ادموعي سلوتي وحزني هندام

تنام الليل كله انتة يمصــــــيوب

وانه الما اغفة لحظة وابد ما انام

لا تتوسل ابعد كلك اعيــــــــوب

وانه ثوبي نظيف وعالي الهام

ولو تنطيني عمرك تبقة مطلوب

وما توصلني ابد لو لاظفر ابهام

ولك هل دكة ما تتسولف انوب

لا عند الكفر لا عـــــند الاسلام

يسألوني عليك وكلت محبوب

يسألونك علية تكول خــــدام

صحيح انه فقير وحالي متعوب

وانته افلوسك تكفيك الف عام

لكن انه رغم الفقر مهيوب

انه بعزة وكرامة محزم احزام

وانته ورغم مالك تبقة مرعوب

ولابد هم تدور اعليك الايام

يخلص مالك شما جان محسوب

وصدكني الجمال لاهله ما دام

انه شاعر ترى وكل حجيي مطلوب

انه بدمي اكتب ان شحت الاقلام

تعال وهاي آخر فرصة الك توب

لا تبقة تكابر كلك اوهــــــــام

تعال وشوف حكم الكلب مكتوب

وحته الكلب كال اكتبلة اعدام

حتة الكلب كال اكتبلة اعدام .

مشكوورررر يا بطل

تحياتي