انقلاب

انقلاب

على روحي انه سويت انقلاب

بس فشل ما اكدر اغلب روحي

ليش ازرع هل وهم بارض الضباب

وارجع احصد بس عذابي ونوحي

الذهب بيدي تحول صم تراب

ورد تحول ملح فوك اجروحي

كل دقيقة يطيح من وجهي قناع

وكل دقيقة اكتشف زيف آمالي

ومن ضياع اخرج وادخل في ضياع

وثورة تتبع ثورة صاير حالي

ويامه اصرخ يل حزن آن الوداع

وفجأة الكة الحزن كله اكبالي

حته من روحي احس بأرتياب

وصايرة افكاري تهدم اصروحي

على روحي انه سويت انقلاب

بس فشل ما اكدر اغلب روحي ...

من يدليني على مجلس امن

يحل قضايا الروح ويصفيهه

او وين اسجن روحي وروحي سجن

ويا سجن بالكون ايكفيهه

وليا وكت ابقة بظلمتي ممتحن

ومنهو يكدر ظلمتي يضويهه

دون كل الناس بس شمسي ضباب

ودون كل الناس غارك لوحي

عله روحي انه سويت انقلاب

بس فشل ما اكدر اغلب روحي ..

مشكوورررر يا بطل

تحياتي